Marso 31, 2022| Financial Assistance for Fire Incident Victims in Bakwit Village
Noong ika-27 ng Marso ay muling sinubok ang mga IDPs na nakatira sa may Bakwit Village Phase 1, Brgy. Pangi, Matungao, Lanao del Norte. Bandang alas-dos (2pm) ng hapon nang mangyari ang sunog sa nasabing lugar.
Nasa tatlumput-anim ang kabahayan na tinupok ng apoy. Dahil sa pangyayaring ito, ang Opisina ni MP Atty. Maisara Dandamun-Latiph ay namahagi ng tulong pinansyal sa mga IDPs na apektado sa naganap na sunog.
Ang pinansiyal na tulong na ito ay nagkakahalaga ng Php 3,000 na ibinahagi sa bawat pamilyang apektado ng nasabing sunog.
Ang programang ito ay kabilang sa mga inisyatibo ng Opisina ni MP Maisara para sa mga Internally Displaced Person.
Nawa’y makatulong ang tulong na ito sa kanila upang sa ganun ay pansamantalang maibsan ang sakit na kanilang nararamdaman.
