Tayo ay nakikiisa sa lahat ng Pilipino sa paggunita sa ika-124 na anibersaryo ng Proklamasyon ng Kalayaan ng Pilipinas.
Ipinagmamalaki ng ating mga ninuno ang kapanganakan ng bansang Pilipininas isang daan at dalawampu’t apat na taon na ang nakalilipas.
Ginugunita natin sila ngayon para sa kanilang kagitingan, kabayanihan, at sakripisyo, at pinasasalamatan natin sila sa mga regalo ng demokrasya at kalayaan na ibinigay nila sa atin.
Sa pagdaig natin sa pandemyang ito, gawin natin ito nang may lakas ng loob, pag-asa, at optimismo. Ating ipakita na tayo ay nagtataglay ng parehong katapangan at pagkataong maharlika gaya ng ating mga bayani.
Mabuhay ang Republika ng Pilipinas!
